ဘုရားသခင်ထံတော်မှ ပုန်းရှောင်ခြင်း

မျက်စိများကိုပိတ်လျက် ကျွန်မစပြီး အမှတ်စဉ်ရေတွက်လိုက်သည်။ ကျွန်မ၏ တတိယတန်း အတန်းဖော်များက ပုန်းဖို့နေရာရှာရန် စာသင်ခန်းထဲမှ ပြေးထွက် သွားကြသည်။ အချိန်များစွာကြာသည်ဟု ခံစားမိသည်အထိ ရှိသမျှ အံဆွဲ၊ သေတ္တာ၊ ဗီရိုများတို့ကို ပိုက်စိပ်တိုက် လိုက်လံရှာပြီးလည်း ကျွန်မ၏သူငယ်ချင်းတစ်ဦးကိုမူ ရှာမတွေ့သေးပါ။ နောက်ဆုံး မျက်နှာကျက်၌ ချိတ်ဆွဲထားသည့် ပန်းအိုးအနောက်မှ သူခုန်ထွက်လိုက်မှ ရယ်စရာကောင်းလှသည်ဟု ကျွန်မခံစားလိုက်ရသည်။ အမှန်တွင် သူ့ခေါင်းတစ်လုံးသာ ပန်းအိုးအနောက်တွင် ကွယ်နေပြီး သူ့တစ်ကိုယ်လုံးမှာ တစ်ချိန်လုံးသိသာထင်ရှားစွာ ပေါ်နေသည်။

ဘုရားသခင်သည် အရာခပ်သိမ်းကို သိရှိသည့်ဘုရားဖြစ်သည့်အလျောက် အာဒံနှင့်ဧဝတို့က သူ့ထံပါးမှပုန်းကွယ်ရန် ကြိုးစားသော်လည်း (က ၃:၈) သူတို့မှာ အမြဲပင် ထင်ရှားစွာပေါ်နေသည်။ သို့သော် သူတို့သည် တူတူပုန်းတမ်း ကစားနေခြင်း မဟုတ်။ ဘုရားသခင်က မစားနှင့်ဟု မှာထားသည့်အသီးကို စားပြီး သူတို့အမှားလုပ်မိကြောင်း မိမိကိုယ်ကို ရုတ်ခြည်းသိရှိကာ ရှက်ကြောက်ခြင်းကို ခံစားရသည့်အတွက် ပုန်းနေခြင်းဖြစ်၏။…

အနီးသို့ ချဥ်းကပ်ပါ

ကိုရိုနာဗိုင်းရပ်စ်ဖြစ်ပွားနေစဥ် ဘဏ်အာမခံသေတ္တာအတွင်းမှ ပစ္စည်းတစ်စုံတစ်ခုကို ပြန်လည်ထုတ်ယူရန် ယခင်ကထက် ပိုများသည့် လုပ်ငန်းစဥ်အဆင့်ဆင့်ကို လုပ်ဆောင်ရန် လိုအပ်သည်။ ယခုအခါ ဘဏ်သွားရန်အတွက် ရက်ချိန်းယူရသည်။ ရက်ချိန်းနေ့တွင် ဘဏ်သို့ရောက်လျှင် အထဲသို့ဝင်ခွင့်ရရန် ဖုန်းဖြင့် အကြောင်းကြားရပြီး မှတ်ပုံတင်နှင့်လက်မှတ်ကို ပြရသည်။ တာဝန်ကျဘဏ်ဝန်ထမ်း လာခေါ်မည့်အချိန်ကို စောင့်နေရသည်။ အတွင်းသို့ရောက်သောအခါ သံသေတ္တာအတွင်းရှိ ကျွန်ုပ်လိုချင်သောအရာကို မတွေ့မီအထိ လေးလံသောတံခါးများ ထပ်မံသော့ခတ်ထားသည်။ ညွှန်ကြားချက်များကို ကျွန်ုပ်မလိုက်နာပါက အထဲသို့မဝင်ရောက်နိုင်ပါ။

ဓမ္မဟောင်းကျမ်းတွင် အသန့်ရှင်းဆုံးနေရာဟုခေါ်သော တဲတော်သို့ ဝင်ရောက်ရန် ဘုရားသခင်ချမှတ်သည့် တိကျသော လုပ်ထုံးလုပ်နည်းများရှိသည် (ထွ ၂၆:၃၃)။ သန့်ရှင်းရာဌာနနှင့် အသန့်ရှင်းဆုံးနေရာကို ပိုင်းခြားသော အထူးကုလားကာနောက် “ဒုတိယတဲတော်အတွင်းသို့ ယဇ်ပုရောဟိတ်မင်း တစ်ပါးတည်းသာ ... တစ်နှစ်လျှင်တစ်ခါတည်းသာ ဝင်ရ၏” (ဟေဗြဲ ၉:၇)။ အာရုန်နှင့် သူ၏နောက်လိုက် ယဇ်ပုရောဟိတ်မင်းများသည် မဝင်ရောက်မီ ယဇ်ပူဇော်မည့်အရာများ ယူဆောင်ရမည်၊ ရေချိုးရမည်၊ သန့်ရှင်းစင်ကြယ်သောအဝတ်များ…

ရုပ်ပံုဖြင့် ဆက်သွယ်တည်ရှိမှု

ကမ္ဘာတစ်ဝှမ်း၌ မျိုးဗီဇပြောင်း ကိုရိုနာဗိုင်းရပ် ပျံ့နှံ့နေစဉ် ကျန်းမာရေးကျွမ်းကျင် သူများက ရောဂါကူးစက်မှုလျော့ကျရန် လူများတစ်ဦးနှင့်တစ်ဦး ခပ်ခွာခွာနေခြင်း ကို တိုးမြှင့်လုပ်ဆောင်ရန် အကြံပေးသည်။ နိုင်ငံများစွာကလည်း မိမိတို့၏နိုင်ငံသား များကို မိမိဘာသာ သီးသန့်နေထိုင်ခြင်း (သို့) သီးသန့်ဂေဟာ၌ နေထိုင်ကြရန်ပြောသည်။ လူအများအလုပ်လက်မဲ့ဖြစ်ပြီး ဝင်ငွေခမ်းနေသလို အဖွဲ့အစည်းများကလည်း ဝန်ထမ်းများကို တတ်နိုင်သရွေ့ အိမ်မှအလုပ်လုပ်စေသည်။ ကျွန်မလည်း အခြားသူများနည်းတူ ဒစ်ဂျစ်တယ်နည်းပညာမှတစ်ဆင့် အသင်းတော်နှင့် အဖွဲ့ငယ် မိတ်သဟာယများတွင် ပါဝင်ခဲ့သည်။ ကမ္ဘာနှင့်အဝန်း ကိုယ်တိုင်ကိုယ်ကျတွေ့ဆုံခြင်းထက် အတူတည်ရှိခြင်းပုံစံသစ်များကို ကျွန်ုပ်တို့ကျင့်သုံးကြသည်။

အတူရှိနေသည့် ခံစားမှုကိုထိန်းပေးထားသည်မှာ အင်တာနက်အားဖြင့်သာ မဟုတ်ပါ။ ခရစ်တော်၏ခန္ဓာအစိတ်အပိုင်းအဖြစ် ကျွန်ုပ်တို့သည် ဝိညာဉ်တော် အားဖြင့် ဆက်နွယ်ပတ်သက်နေသည်။ ဤသဘောတရားကို လွန်ခဲ့သည့် ရာစုနှစ်များက ကောလောသဲမြို့သို့ရေးသောစာတွင် ရှင်ပေါလုဖော်ပြခဲ့သည်။ သူတို့၏ အသင်းတော်ကို ပေါလုကိုယ်တိုင် တည်ထောင်ခြင်းမဟုတ်သော်လည်း သူတို့နှင့် သူတို့၏ယုံကြည်ခြင်းအတွက် ရှင်ပေါလု အလေးအနက် ဂရုစိုက်ခဲ့သည်။…

နေပါရစေ

ကားရပ်ထားသည့်နေရာသို့ လျှောက်လာကြစဥ် ဇန်းဒါးသည် သူ့အမေလက်မှ ထွက်ပြေးပြီး ဘုရားကျောင်းတံခါးဆီသို့ တစ်ဟုန်ထိုးပြေးသွားသည်။ သူမပြန်ချင်ပါ။ အမေလည်း သူ့နောက်သို့ အပြေးလိုက်သွားပြီး သားကို ကြင်နာစွာဖြင့် ထွေးပွေ့ ခေါ်ယူလိုက်သည်။ သို့မှသာ အိမ်ပြန်နိုင်မည်ဖြစ်သည်။ ၄ နှစ်သားလေးဇန်းဒါးကို ရင်ခွင်ထဲတွင် မိမိရရ ပွေ့ချီမိသောအခါသူက တရှုံ့ရှုံ့ငိုပြီး အမေ့ပုခုံးကိုမှီကာ ဘုရားကျောင်းဘက်သို့ ငေးကြည့်ပြီးပါလာသည်။

ဇန်းဒါးသည် ဘုရားကျောင်း၌ သူငယ်ချင်းများနှင့်ကစားရသည့်အတွက် ပျော်ရွှင်နေခြင်းဖြစ်ကောင်းဖြစ်မည်။ သို့သော် သူ၏စိတ်အားထက်သန်မှုကဘုရားသခင်ကို ကိုးကွယ်လိုသော ဒါဝိဒ်၏ စိတ်ဆန္ဒပုံရိပ်ဖြစ်သည်။ နှစ်သိမ့်မှုနှင့်လုံခြုံမှုအတွက် ရန်သူများကို တားဆီးပေးရန် ဘုရားသခင်ထံ သူတောင်းဆိုခဲ့မည်ဖြစ်သော်လည်း "ထာဝရဘုရား၏တင့်တယ်ခြင်း အသရေတော်ကို ဖူးမြင်၍ ဗိမာန်တော်၌ မွေ့လျော်ခြင်းအလိုငှာ ထာဝရဘုရား၏အိမ်တော်မှာ တသက်လုံးနေရမည်အကြောင်း" (ဆာ ၂၇:၄) ငြိမ်သက်ခြင်းရှိရန် သူတောင့်တခဲ့သည်။ မည်သည့်အရပ်၌ရှိရှိ သူနှလုံးသားသည် ဘုရားသခင်နှင့်အတူရှိရန်ကိုသာ မျှော်လင့်နေပြီး မျက်မှောက်တော်၌ မွေ့လျော်ချင်ပါသည်။ ဣသရေလလူမျိုး၏ အကြီးမြတ်ဆုံးဘုရင်မင်းနှင့်စစ်သူရဲကြီးသည် ငြိမ်ဝပ်ရာအချိန်ကို…

ခေါင်းလောင်းတီးပါ

အံ့သြဖွယ် အကြိမ် ၃၀ ထိ ရောင်ခြည်ကုထုံးဖြင့် ဓာတ်ကင်ပြီးနောက်တွင် ဒါလာ အား ကင်ဆာကင်းစင်ပြီဟု ကြေညာခဲ့သည်။ ဆေးရုံ၏ အစဥ်အလာရှိသည့်အတိုင်း သူမ၏ဆေးကုသမှုပြီးစီးခြင်းနှင့် ကုန်ကျစရိတ်များပေးချေပြီးခြင်း အထိမ်းအမှတ်အနေနှင့် "ကင်ဆာကင်းစင်ကြောင်း ခေါင်းလောင်းတီးရန်" ဒါလာ အလွန် စိတ်လှုပ်ရှားခဲ့သည်။ သူမည်မျှစိတ်လှုပ်ရှားပြီး စိတ်တက်ကြွသနည်းဆိုလျှင် ကြိုးသည် ခေါင်းလောင်းမှ ပြုတ်ထွက်သွားသည် အထိပင်ဖြစ်သည်။ ထို့ကြောင့်လည်း ဝမ်းမြောက်မှုနှင့်ရယ်မောသံများ ညံသွားတော့သည်။

ဒါလာ၏အဖြစ်ကြောင့် ကျွန်မပြုံးမိပြီး၊ ဣသရေလလူတို့အား ၎င်းတို့၏ အသက်တာ၌ ဘုရားသခင်ပြုခဲ့သည့်အမှုများအတွက် ကျေးဇူးတင်ချီးမွမ်းရန် ဆာလံဆရာဖိတ်ခေါ်ရာ၌ သူမြင်ယောင်ခဲ့သည့်အရာကို ခံစားမိစေသည်။ ဘုရားသခင်သည် ၎င်းတို့၏ရန်သူများကို အပြီးတိုင်ချေမှုန်းခဲ့ပြီး ဣသရေလလူမျိုးတို့ကို သူချစ်သောလူမျိုးအဖြစ် ရွေးချယ်ခဲ့ခြင်းကြောင့် ဆာလံဆရာက လက်ခုပ်တီးလျက်၊ ကြွေးကြော်လျက် ချီးမွမ်းသီဆိုရန် အားပေးခဲ့သည် (ဆာ ၄၇:၁၊ ၆)။

ဤဘဝ၌ရုန်းကန်ရမှုအတွက် ကျန်းမာရေး၊ ငွေရေးကြေးရေး၊ ပေါင်းသင်း ဆက်ဆံရေး စသည့် မည်သည့်ပြဿနာများဖြစ်စေ…

ကြီးကောင်ဝင်ချိန် ယုံကြည်ခြင်း

ဆယ်ကျော်သက်အရွယ်နှစ်များသည် ရံဖန်ရံခါ မိဘရော သားသမီးအတွက်ပါ ဘဝ၌ အလွန်ပင် စိတ်သောကပွားရသောအချိန်ဖြစ်သည်။ ကျွန်မ မြီးကောင်ပေါက်အရွယ် ဘဝစူးစမ်းမှု၌ အမေနှင့် "တသီးတခြား" ဖြစ်ရန်၊ အမေတန်ဖိုးထားသည့် အရာများကို လက်မခံ၊ သူ့စည်းကမ်းများကို ဆန့်ကျင်သည်။ မိဘတို့၏ ရည်မှန်းချက်များသည် ကျွန်မကို စိတ်မသက်မသာဖြစ်အောင်လုပ်ရန်မျှသာဖြစ်သည်ဟု သံသယဝင်ခဲ့သည်။ ထိုကိစ္စများအတွက် ကျွန်မတို့ သဘောတူညီမှုရယူခဲ့သော်လည်း ထိုအချိန်က ကျွန်မတို့၏ဆက်ဆံရေးမှာ တင်းမာမှုများနှင့်ပြည့်နေသည်။ မလိုအပ်သည့် စိတ်ခံစားမှုနှင့် ရုပ်ပိုင်းနာကျင် ခံစားရမှုများမှ ကာကွယ်ပေးမည်ကို သိလျက်နှင့်ပင် အမေ၏ အမြော်အမြင်နှင့်သွန်သင်မှုကို မနာခံသည့်အတွက် အမေ ဝမ်းနည်းခဲ့မည် မလွဲပါ။

ဘုရားသခင်၌လည်း သူ့သားသမီး ဣသရေလလူမျိုးများအတွက် အလားတူနှလုံးသားမျိုးရှိသည်။ ဘုရားသခင်သည် အသက်ရှင်မှုအတွက် ကျွန်ုပ်တို့သိပြီးသား ပညတ်တော်(၁၀)ပါးကို(တရား ၅:၇-၂၁) သူ၏ပညာတော်နှင့် ချမှတ်ပေးသည်။ ၄င်းတို့ကို စည်းမျဉ်းစည်းကမ်းများဟု ရှုမြင်နိုင်သော်လည်း "သူတို့နှင့်သားမြေး အစဉ်အဆက်တို့သည် ချမ်းသာရမည်အ‌ကြောင်း" ဟူ၍ (:၂၉)…

သမ္မာကျမ်းစာ၏ကြီးမြတ်သောဇာတ်လမ်း

ကောလင်းသည် သူဝယ်ခဲ့သည့် ရောင်စုံမှန်များပါသည့်ပုံးကို ဖွင့်ကြည့်ရာ သူ၏အစီအစဉ် စီမံကိန်းအတွက် သူမှာယူထားသည့် မှန်အပိုင်းအစများအစား ပကတိ အထိအခိုက်မရှိသော ပြတင်းပေါက်များကို တွေ့လိုက်ရသည်။ ပြတင်းပေါက်၏မူလဇစ်မြစ်ကို စုံစမ်းကြည့်ရာ ၄င်းတို့ကို ဒုတိယကမ္ဘာစစ် အတွင်း ဗုံးဒဏ်မှကာကွယ်ရန် ဘုရားကျောင်းမှ ဖြုတ်သိမ်းထားခြင်းဖြစ်ကြောင်း သိလိုက်ရသည်။ "မှန်အပိုင်းအစများ"ကို စုပေါင်းပြီး လှပသည့်ရုပ်ပုံကားချပ်ဖြစ်လာအောင် ပုံဖော်ထားခြင်းနှင့် လက်ရာအရည်အသွေးတို့ကို သူအံ့သြမိသည်။

ရိုးရိုးသားသားဝန်ခံရလျှင် ကျွန်ုပ်သည် ကျမ်းစာမှ ဆွေစဉ်မျိုးဆက်စာရင်း ကဲ့သို့သော ကျမ်းပိုဒ်များကို အကြိမ်ကြိမ် ဖွင့်ဖတ်ဖူးသော်လည်း သမ္မာကျမ်းစာ၏ အကြောင်းအရာတစ်ခုလုံးနှင့် မည်သို့ဆက်နွယ်အကြုံးဝင်သည်ကို ကျွန်ုပ် ချက်ချင်းမမြင်မိပါ။ ကမ္ဘာဦးကျမ်း အခန်းကြီး ၁၁ ကဲ့သို့သော ကျမ်းပိုဒ်မျိုးတွင် ‘ရှေမ၊ ရှာလ၊ ဟေဗာ၊ နာခေါ်၊ တေရ’ (:၁၀-၃၂)စသည့် မိမိနှင့်အကျွမ်းမဝင်သည့် နာမည်များ၊ သူတို့၏ မိသားစုများပါဝင်သည်။ ဤကျမ်းအခန်းများကို ကျော်ပြီး ကျွန်ုပ်၏ “သိမြင်နိုင်စွမ်း”နှင့် ရင်းနှီးနေသော၊…

အခြားသူများထံ ကျေးဇူးတော်ကို ကမ်းလှမ်းခြင်း

ကျွန်မတို့မမွေးစားမီက ကျွန်မတို့၏သားသည် သူ့ဘဝအစောပိုင်းကို ကလေး ဂေဟာတွင် ကုန်ဆုံးခဲ့သည်။ အပေါ့စားအုတ်များဖြင့် ဆောက်လုပ်ထားသော အဆောင်မှထွက်ခွာပြီး အိမ်သို့အတူမပြန်မီ သူ့ပစ္စည်းများကို သိမ်းရန်ပြောရာ၊ ဝမ်းနည်းစရာပါ။ သူ၌ ပိုင်ဆိုင်ရာတစ်ခုမှမရှိပါ။ သူ့အတွက် ဝယ်လာသော အဝတ်အစားအသစ်များနှင့် သူ့ကို အင်္ကျီလဲဝတ်ပေးလိုက်ပြီး အခြားကလေးများ အတွက်လည်း အဝတ်အစားအချို့ကို ချန်ထားပေးခဲ့သည်။ သူ၌ ဘာမှမရှိ သလောက်ဖြစ်သောကြောင့် ကျွန်မစိတ်မကောင်းဖြစ်ရသော်လည်း ယခုအခါ သူ့အတွက် စိတ်ပိုင်းဆိုင်ရာ၊ ရုပ်ပိုင်းဆိုင်ရာလိုအပ်ချက်ကို ကူညီဖြည့်ဆည်းပေး နိုင်သည့်အတွက် ဝမ်းမြောက်မိပါသည်။

နှစ်အနည်းငယ်အကြာတွင် လိုအပ်နေသောမိသားစုများအတွက် အလှူခံနေသူတစ်ဦးကို ကျွန်မတို့တွေ့ခဲ့သည်။ သားက သူတို့ကိုကူညီရန် သူ၏တိရစ္ဆာန်အရုပ် များနှင့် ငွေအကြွေအနည်းငယ်ကိုလှူဖို့ စိတ်အားထက်သန်နေသည်။ သူ၏ နောက်ကြောင်းအရဆိုလျှင် သူပိုင်ဆိုင်သောပစ္စည်းများကို တင်းကြပ်စွာဆုပ်ကိုင် ထားမည့် သဘောရှိနေနိုင်သည် (ထိုသို့ရှိနေလျှင် သူ့ကို နားလည်ပေးနိုင်ပါသည်)။

သူ၏ရက်ရောစွာတုံ့ပြန်မှု၏အကြောင်းရင်းသည် ကနဦးအသင်းတော် ကဲ့သို့ပင်ဖြစ်သည်ဟု ကျွန်မယူဆချင်ပါသည်။ “ထိုသူအပေါင်းတို့သည် ကြီးသော…

ယုံကြည်ခြင်းကို မျှဝေရာ၌

လူများရှေ့စကားဟောပြောရန် ကြောက်ရွံ့ခြင်းနှင့်ပတ်သက်၍ အကြံဉာဏ် တောင်းရန် ကျွန်မကို အယ်လဲန် လာတွေ့သည်။ အခြားသူများနည်းတူ နှလုံးခုန်မြန်ခြင်း၊ ပါးစပ်ထဲ အာစေးထည့်ခံရသကဲ့သို့ ဖွင့်မရဘဲ အာခေါင်ခြောက်လာခြင်း၊ မျက်နှာနီမြန်းလာခြင်းများ ခံစားရသည်။ "Glossophobia" သည် လူအများ ဖြစ်လေ့ဖြစ်ထရှိသော လူမှုရေးကြောက်ရွံ့မှုတစ်ခုဖြစ်ပြီး သေရမှာထက် အများရှေ့ စကားပြောရမည်ကို ပို၍ပင်ကြောက်သည်ဟု လူအများက ဟာသလုပ် ပြောဆိုကြသည်။ "ပီပြင်စွာ မလုပ်ဆောင်နိုင်"မှာကို စိုးကြောက်သောစိတ်ကို အောင်နိုင်ရန် ကောင်းမွန်စွာ ပြောဆိုနိုင်မှုအပေါ် အာရုံမထားဘဲ မိမိပြောလိုသော အချက်အပေါ်၌သာ အလေးထားရန် အယ်လဲန် ကို ကျွန်မအကြံပြုခဲ့သည်။

လူတစ်ဦး၏နှုတ်စွမ်းရည်ထက် သူဝေမျှသည့် "အကြောင်းအရာ"အပေါ်၌သာ အာရုံပြောင်းခြင်းသည် အခြားသူများအား ဘုရားသခင်ထံ ပြညွှန်သော ရှင်ပေါလု၏နည်းလမ်းနှင့် အလားတူပင်ဖြစ်သည်။ ကောရိန္သုအသင်းတော်သို့ ရေးပို့သောစာတွင် သူ့စကားနှင့်ဒေသနာသည် "လူပညာနှင့်ယှဉ်သော ဖြားယောင်းသောစကားနှင့်တကွရှိသည်မဟုတ်" (၁ ကော၂:၄)၊ သခင် ယေရှုခရစ်တစ်ပါးတည်းနှင့် လက်ဝါးကပ်တိုင်ပေါ်တွင် သခင်၏အသေခံတော်မူခြင်း၌…

ဝိညာဥ်ရေးရာ ရင့်ကျက်မှုသို့ တက်လှမ်းခြင်း

မကြာမီက ပြုလုပ်သော စစ်တမ်းတစ်ခုတွင် မိမိကိုယ်ကို အရွယ်ရောက်ပြီဟုယူဆကြသည့်အသက်ကို ဖော်ပြရန် မေးမြန်းရာ၊ ကိုယ်ကိုကိုယ် အရွယ်ရောက်ပြီဟု ယူဆသူများက သူတို့လူကြီးဖြစ်ပြီဟုပြသော သက်သေအဖြစ် အပြုအမူတစ်ခုခုကို သတ်သတ်မှတ်မှတ် ပြသကြသည်။ ဝင်ငွေရှိပြီး ကိုယ်ပိုင်အိမ် ၀ယ်ယူနိုင်ခြင်းသည် "အရွယ်ရောက်"သည့် လက္ခဏာအဖြစ် အများက လက်ခံထားကြသည်။ လူကြီး အရာရောက်သော အခြားလုပ်ငန်းဆောင်တာများမှာ အပတ်တိုင်း ညနေစာ ချက်ပြုတ်ရခြင်းမှအစ၊ ဆေးခန်းသွားရန် မိမိဘာသာ ရက်ချိန်းယူခြင်း စသည်တို့ အပြင်၊ ညစာအတွက် သရေစာသာ စားရန် ရွေးချယ်ခြင်း (သို့) စနေနေ့ညနေခင်း များတွင် အပြင်သွားခြင်းထက် အိမ်၌နေရခြင်းကို ပို၍စိတ်လှုပ်ရှားခြင်း စသည့် ရယ်စရာအချက်များအထိ ပါဝင်နေပါသည်။

သမ္မာကျမ်းစာမှ ဝိညာဥ်ရေးရင့်ကျက်မှုသို့ တက်လှမ်းရန် ကြိုးစားသင့်ကြောင်း ပြောထားသည်။ ရှင်ပေါလုက ဧဖက်အသင်းတော်မှလူများအား "ခရစ်တော်၏ ပြည့်စုံခြင်းပမာဏအရပ်တည်းဟူသော ကြီးရင့်သောလူတို့၏အဖြစ်သို့ ရောက်" သည့်တိုင် ကြိုးစားကြရန် တိုက်တွန်းနှိုးဆော်သည်…